Neste pequeno vídeo recollo os principais fragmentos que dediquei a debullar o conflito lingüístico que existe en Galiza desde a experiencia persoal como neofalante, na miña palestra nas III Xeiras sobre a lingua galega, organizadas polos Comités na Universidade Vigo en febreiro de 2011.

Fronte a falsificación de quen quer empregar a defensa da liberdade como coartada para seguir a golpear a nosa lingua, reivindico que de certo a única decisión que tomei en liberdade foi precisamente a de pasarme ao galego, xa que antes ninguén me preguntara o contrario. Neste senso, fago un chamado a abordarmos o problema fuxindo de discursos autoculpabilizadores e salientando todas as oportunidades que temos como pobo, nomeadamente a mocidade, para tentar reverter esta situación. Oportunidades que pasan por un compromiso persoal, mais tamén necesariamente colectivo, en chave de organización e mobilización, pois as dificultades que enfronta a nosa lingua non se deben en ningún caso á libre vontade dos e das galegas.

A palestra enteira podedes ollala deseguido nestas ligazóns: Parte I e Parte II ​

​