Vídeos das intervencións íntegras realizadas na xornada da Fundación Galiza Sempre "A Unión Europea non é a solución, e o problema", que tivo lugar en Pontevedra.
O pasado sábado tivo lugar en pontevedra unha xornada organizada pola Fundación Galiza Sempre e máis o BNG, baixo o título "A Unión Europea non é a solución é o problema" (crónica aquí e storify aquí). O evento serviu para profundar, grazas as achegas de doce relatores e relatoras, na análise crítica que o nacionalismo galego fixo, desde sempre, do denominado proceso de construción europea. Para alén do máis, a xornada permitiu substanciar esa caracterización con base en datos que reflicten os efectos lesivos que, no concreto, a inserción do Estado español dentro da UE e o euro tiveron e teñen para o noso pobo.
A seguir partillo os vídeos (dispoñibilzados por GZ Vídeos) nos que se recollen integramente todas as intervencións. Malia seren todas moi enriquecedoras, recomendo singularmente as de Bernardo Valdês, Manuel Mera, Bieito Lobeira, Edelmiro Iglesias e Francisco Rodríguez (marcadas cun *). As dúas primeiras por situaren a cuestión no seu contexto (imperialismo) e as tres derradeiras, todas desenvolvidas no panel "A destrución da capacidade produtiva na periferia europea: impacto na Galiza das políticas económicas da UE", por achegaren datos e claves fundamentais para cifrar o que a UE nos supón en termos produtivos, económicos e de emprego.
Aproveito ademais para vos recomendar como lectura complementaria o A FONDO que Sermos Galiza, baixo a miña coordenación, lle dedicou precisamente a este tema, intitulado "A forca europea: o que a UE supón para Galiza", que poderedes descargar en PDF por un prezo simbólico na loxa de Sermos.
>>Vídeos:
Apertura a cargo de Guillerme Vázquez, Presidente da Fundación Galiza Sempre
Intervención de Xavier Vence, Portavoz Nacional do BNG
Panel: A UE como modelo de capital globalizado.
- (*) Modelo económico e social da UE. A resposta da UE e a “troika” ante a crise. Bernardo Valdês, profesor de economía da USC.
- (*) Papel da UE no cotexto internacional. Manuel Mera, director da Fundación Moncho Reboiras
- Homoxeneización, xerarquización, asimilación cultural e lingüística na UE. Pilar García Negro, Doutora en filoloxía románica, profesora titular da Universidade da Coruña.
Panel: A destrución da capacidade produtiva na periferia europea: impacto na Galiza das políticas económicas da UE.
- (*) Impacto na pesca. Bieito Lobeira, secretario de organización na executiva do BNG
- (*) Impacto no agro. Edelmiro López Iglesias, profesor de economía na USC.
- (*) Impacto na industria naval e emprego. Francisco Rodríguez, Consello Nacional do BNG.
Panel: Vontade popular, soberanía, dereitos e liberdades no seo da UE. A democracia secuestrada.
- Dereitos das mulleres. Carme Adán, deputada do BNG no Parlamento de Galiza.
- Dereitos sociais claudicantes fronte á expansiva presión do mercado na UE. Alba Nogueira, Profesora de Dereito Administrativo na USC.
- A Gobernanza da UE e a crise da democracia. Carlos Aymerich, profesor de Dereito Administrativo na UdC.
Panel: A concentración económica e política nas institucións da UE como resposta á crise. A alternativa do BNG.
- Crise política e institucional na UE, o déficit democrático das institucións europeas. Balance do traballo do BNG no Parlamento Europeo. Ana Miranda, eurodiputada do BNG 2012 – 2013
- As nacións negadas na UE, a presenza directa de Galiza ante a UE e a defensa da soberanía para sobrevivir. Héitor López de Castro
- As alternativas do BNG para a UE: Que UE sería defendíbel e asumíbel? Pódese contemplar a saída da UE?. Rosana Pérez Fernández, deputada no Congreso polo BNG.